Denboraldi berria hastear da, eta Orio Eragin eskubaloi klubak, aurtengo ikasturteari begira, guraso bilerak antolatu ditu datorren asterako. Hain zuzen ere, irailaren 8an, astelehenarekin, izango dira hitzorduak, eta klubetik adierazi dutenez, "oso garrantzitsua" baita gurasoen parte-hartzea.
Guztira bi bilera antolatu dituzte: alde batetik, arratsaldeko 19:00etan, LH3tik LH6rako jokalarien gurasoentzat; eta bestetik, 19:45ean, DBH1eko jokalarien gurasoentzat. Salatxo aretoan emango dituzte denboraldi berriko azalpen guztiak.