Orioko Surf Taldeak antolatuta, Reggae Gaua ospatuko dute beste urte batez asteburu honetan. Hain zuzen ere, ostiralean izango da ospakizuna, surf taldearen lokalean, eta aurten estreinakoz, ZAAF talde berriak emango dio hasiera festari. Jarraian, Hereje Fighters talde mitikoa igoko da oholtza gainera.
Bestalde, kontzertuak hasi aurretik marmitakoa afaltzeko aukera ere izango dute herritarrek, 21:00 aldera. Kontzertuak, berriz, 22:00etan hasiko dira, eta gauari amaiera emateko, DJ saioa ere izango da.