Itsasontzietara sartzea debekatuta dago. Hala dio Eusko Jaurlaritzak moilako hainbat puntutan itsatsi dituen paperetan. Eta argudio argia ematen du: "Baimenik gabeko sarbidea eta eragindako kalteak kode zibilaren aurkako urraketak dira". Besterik ez dio oharrak, baina ulertzen da debekuari kasurik ez egiteak ondorioak ekar ditzakeela.
Ez da kasualitatea oharra uda partean jarri izana. Izan ere, ohikoa da herritarrek bainu bat hartzea moilan urteko garai honetan, eta baita moilatik nahiz zubitik jauziak egitea ere. Batzuek itsasontzietatik ere egiten dute jauzi, eta horren harira atera du oharra erakundeak.
