Zaharren Babeslekuak hiru eguneko bidaia antolatu du Segoviara (Espainia). Azaroaren 7tik 9ra iraungo du bidaiak, eta hiriko nahiz inguruko atrakzio ospetsuak ezagutuko dituzte, besteak beste La Granja de San Ildefonso eta Pedraza.
Bidaian parte hartzeko, 626 471 423 (Txomin) zenbakira deitu edota idatzi daiteke.
Egitaraua
- Azaroak 7, ostirala. Bidaia Oriotik Segoviara. Otordua Pedrazan egingo dute eta herria bisitatzeko aukera izango da. Gaua San Antonio El Real hotelean igaroko dute. Hotelean bertan afalduko dute.
- Azaroak 8, larunbata. Segoviako bisita gidatua. Bazkaria hiriko jatetxe batean egingo dute, eta arratsaldea libre izango dute hiria ezagutzeko.
- Azaroak 9, igandea. Gosaldu ostean, La Granja de San Ildefonso bisitatuko dute. Bazkaria Lerman egingo dute, eta ondoren etxera itzuliko dira.