Udalarekin eta bi ikastetxeekin elkarlanean, Zorione Mendez sortzaile oriotarrak Ganbara izeneko sormen tailerra eskaini zien herriko haur eta gaztetxoei pasa den ikasturtean, eta hastear den kurtso berrian hirugarrenez emango du tailerra Nerea Urdangarinen laguntzarekin. Izena emateko epea irailaren 15ean amaituko da, eta eskolak hurrengo egunean hasiko dira, urriaren 1ean.
LH eta DBHko herriko ikasleentzat da jarduera, ikasturte osokoa, Urritik ekainera artekoa. Ikasturte erdia Orioko Herri Ikastolan hasiko da, eta beste erdia, Zaragueta Herri Eskolan egingo dute. Urrian hasiko dira eskolak, eta adin bakoitzeko egunak eta ordutegia zehaztuta daude jada.
Arte plastikoen tailerrean marrazketa, pintura, eskultura, eskulanak eta serigrafia lantzeaz gain, hilean behin ingelesezko Antxobi saioa eta Gorputz Adierazpenaren saio bat eskainiko dituzte; azken hauek horretara egokitutako “salto” gelan eginez.
Izen-ematea eta egutegia
Ganbara sormen tailerra urrian hasiko da, eta kuotaren barruan materiala sartzen da; hala, ikasleek ez dute ezer eraman behar saioetara. Hileroko prezioa 60 eurokoa izango da, eta izena emateko bi modu daude: 652 70 22 37 telefonora deituta edo mezua bidalita, edo ganbarasormentailerra@gmail.com helbidera mezua idatzita.
Ordutegiak honakoak dira:
- Asteartea:
- 17:00-18:30. LH 1- LH 3 mailak.
- 19:00-20:30. DBH 1- DBH 4 mailak.
- Osteguna: 17:00-18:30. LH 4 - LH 6 mailak.