2025-2026 futbol denboraldia hasteko ez da askorik falta, eta Orioko Futbol Taldeak gogorarazi du zabalik dagoela futbol eskolan izena emateko epea. Hori asteazkenean, hilak 30, amaituko da. Izena galdetegi hau betez eman behar da. Galdetegian bertan jarri dute hainbat xehetasun; esaterako, entrenamenduak astelehenetan izango direla, horien ordutegia zein izango den, eta zein den urteko kuota eta erosi beharreko ekipamendua.
Denboraldiko lehenengo entrenamendua irailaren 15ean egingo dutela ere zehaztu dute, baita azkena ekainaren 4an izango dela ere. Zalantzarik izanez gero futbol eskolako arduradunari deitzeko eskatu dute (Inaxio: 640 06 19 49).