Eguraldi txarra gaurko protagonista izan arren, hondartzako Mola Mola tabernan ez dago aitzakiarik, Malaka Jazz taldeak kontzertua eskainiko baitu arratsaldeko 19:00etatik aurrera Gon, Ager, Aitor eta Beltranen eskutik.
Hortaz gain, astean zehar ere beste zenbait emanaldi egongo dira. Bihar, saltsa dantza tailerra 19:00etan izango da, eta, saio irekia, 20:00etan. Jaiegunean, uztailaren 25ean, Geels izeneko rock melodikoaren emanaldia egongo da arratsaldeko 19:30etik aurrera. Larunbatean berriz, Dj Javi Hidalgoren eskutik “Carnaval para bailar” emanaldia egongo da, hau ere 19:30ean. Azkenik, asteburuari amaiera emateko, DuoBrasco taldearen eskutik kontzertua egongo da eguerdiko 13:30ean.