Giro ederrean ospatu zuten pasa den larunbatean Etxeluze gaztetxearen hamabosgarren urteurrena. Eguraldia lagun, parrillada egin zuten gaztetxe kanpoko zelaian, festari hasiera emateko. Bitartean, Zorione Mendezek serigrafia tailerra eskaini zuen, urteurrenerako diseinatu duen logoa herritarrek ekarritako kamisetetan estanpatzen. Gainera, gaztetxearen historia jasotzen duen erakusketa ere prestatu zuten, azken urteetan egindako kartelekin eta albisteekin.
Bazkalostean, kalejira girotua egin zuten herriko kaleetan zehar, eta arratsaldetik aurrera, musika izan baitzen protagonista. Unai Pelayo Pelax eta Iñaki Rifaterra arduratu ziren gaztetxea girotzeaz, eta iluntzean, DJ saioarekin amaitu zuten eguna, giro ezinhobean.
Argazkiak: Onintza Lete Arrieta.