Orio Arraunketa Elkarteko gizonak txaloka eta txistuka jaso dituzte gaur iluntzean Herriko Plazan. Izan ere, arraunlariek Euskadiko Txapelketa irabazi dute gaur goizean Bermeon (Bizkaia).
Garaipena ospatzeko eta elkartasuna adierazteko asmoz, herritarrek alirona egin die udaletxe aurrean, txarangak plaza girotu duelarik.
Arraunlariak eta Iker Zabala entrenatzailea udaletxeko balkoira atera dira banan bana, irabazitako bandera astintzera, eta herritarren babesa eskertzera.