Orioko Odol Emaileen Elkarteak jakinarazi duenez, ekainaren 6an, ostiralarekin, egingo dute odol ateraldia herrian. Beti bezala, anbulatorioan izango da hitzordua, 16:30etik 20:30era.
Odola emateko ez da derrigorra hitzordua aurrez hartzea, baina hartzen ez duenak ilaran itxoin beharko du tarte bat egon arte. Herritarrek informazio gehiago eskuratu dezakete 943-00 78 84 telefono zenbakira deituta. Gainera, online ere har daiteke hitzordua, gotatanta.eus webgunean.