Txurrumuski Aisialdi Elkartea proposamen berri batekin dator aurtengo San Pedro jaietarako. Hain zuzen ere, jaien azken egunean, ekainaren 30ean, kirol-erronka egingo dute goizean hasi eta arratsaldera arte. Ekintza LH5 eta DBH2 bitarteko ikasleei zuzenduta dago, eta izen-ematea bihartik aurrera zabalduko dute. Horretarako, galdetegi hau bete edota Gaztelekura jo daiteke.
Erronkari buruzko informazioa datozen egunetan zabalduko dute, baina sare sozialen bidez azaldu duten moduan, erronka goizeko 10:30ean hasi eta arratsaldera arte izango da. Bazkaltzeko tarte bat ere izango dute parte-hartzaileek, eta Txurrumuski arduratuko da janariaz.