Gipuzkoako Elikagai Bankurako bilketa egiten ari dira egunotan Orion. Gaur hasi eta bihar arte, elkarteko boluntarioak bilketa egiten arituko dira herriko zenbait saltokitan; esaterako, Eroskin.
Azaldu dutenez, honako produktuak jasoko dituzte: lekaleak, pasta, arroza, arrain kontserbak eta 5 eta 6 neurrietako pardelak. Erosketa txartelekin kolaboratzeko aukera ere egongo da. Diru hori zuzenean Gipuzkoako Elikagai Bankura joaten dela nabarmendu dute, eta edozein behar dagoenean erabiliko dutela ere gaineratu dute.