Danbolin Musika eta Dantza Eskolak ateak irekiko ditu maiatzaren 30ean eta ekainaren 6an, ostiralarekin, herritarrek eskola ezagutzeko eta ikasturte berriko eskaintza jasotzeko aukera izan dezaten.
Ate irekietako egunetan bertaratzen direnek eskolaren ikasketa planaren berri jasoko dute, baita zalantzak argitzeko aukera izan ere. Hortaz, bisitak honela antolatu dituzte:
- Maiatzaren 30ean, ostiralean, 17:00etan: 2019an eta 2020an jaiotako haurren gurasoentzat. Aldi berean, haurrek klaseetara joateko aukera izango dute:
- 2019an jaiotakoak: ekainaren 9 eta 11n, 16:50ean, Musika eta Dantza Eskolan.
- 2020an jaiotakoak: ekainaren 9an, 16:50ean, Musika eta Dantza Eskolan.
- Maiatzaren 30ean, ostiralean, 18:00etan: 2018an edo aurretik jaiotako edonorentzat.
- Instrumentuko edo dantzako irakaslearekin saio praktiko batean parte hartzeko, deitu eta hartu hitzordua.
- Ekainaren 6an, ostiralean, 17:00etan: 2021ean jaiotakoentzat (guraso eta haurrak).
Bisita horietara azaltzerik ezin duenak edota informazio gehiago eskuratu nahi duenak, 943-83 37 27 zenbakira deitu edota danbolin@orio.eus helbidera idatzi dezake.