Denboraldi bikaina ari dira izaten aurten Badok 13 taldeko arraunlariak, izan ere, asteburu honetan ere beste garaipen bat eskuratu dute Santurtzin (Bizkaia) jokatutako estropadan.
Orioko arraunlariek Itsasoko Ama Beteranoen II. Bandera izan zuten jokoan larunbatean, eta 12:50;83 denborarekin lehen postua eskuratu zuten, Getxoko eta Donostiako taldeen aurretik sailkatuz. Hurrengo estropada larunbat honetan jokatuko dute etxean, 14:00etatik aurrera.
