Espainiako Selekzioaren deialdian sartu dituzte Koxme Burutaran eta Haizea Gozategi arraunlari oriotarrak, joan den asteburuan Banyolesen (Herrialde Katalanak) lortutako emaitza onengatik. Orio Arraunketa Elkarteko arraunlaria da Burutaran, eta Club Nautico Sevillakoa, Gozategi.
Udaberriko Openerako probak izan dira ostiraletik igandera, eta Burutaranek absolutu gizonezkoetan parte hartu du. Gozategik, berriz, 23 urtez azpikoetan.
Biek entrenatuko dute selekzioarekin aste honetan, absolutuek Legution (Araba), eta 23 urtez azpikoek Mequinenzan (Zaragoza, Espainia).