Jakinmin elkartea eta Txurrumuski aisialdi taldea LH5 eta LH6 mailetako haurrei zuzendutako filosofia saioak eskaintzen ari dira Orioko Udalaren laguntzarekin. Martxoaren 15ean egin zuten aurreneko jardunaldia Gaztelekuan, eta bihar, larunbata, izango da bigarrena, toki berean, 17:00etan hasita.
Saioak jolasetik abiatuta prestatzen dituzte, eta udalak jakinarazi du arrakasta handia izan zuela aurrenekoak, eta horregatik, egitasmoari jarraipena ematea erabaki dutela. Ordu eta erdiko iraupena izango du, eta doan izango da.
Interesa dutenek, lotura honen bidez eman behar dute izena.