Ana Galarraga kazetari zarauztarrak eta Juan Luis Perez Petti musikariak Frankenstein agurgarria izeneko errezitaldi musikatua eskainiko dute igandean 18:00etan Kultur Etxean, eta Gukak bi sarrera bikoitz zozkatuko ditu bazkideen artean, Orioko Kultura sailaren eskutik. Hemen parte hartu daiteke zozketan. Epea ostegun eguerdian amaituko da.
Sarrerak, berriz, eskuragai daude Turismo Bulegoan nahiz online, bost euroan.
Shelleyren lana oinarri
Galarragak eta Pettik Mary Shelley idazlearen Frankenstein liburuaren interpretazioa egin dute, gaur egunera ekarriz ikuspegi feministatik, historikotik, filosofikotik eta etikotik obra horretan azaltzen diren kezkak.
2022ko (H)ilbeltza literatura jaialdian aurkeztu zuten lana, eta geroztik hainbat emanaldi eskaini dituzte, baita disko-liburu bilakatu ere, Elkarrekin eskutik, Mari Luz Estebanen, Miren Agur Meaberen, Anariren eta Joseba Irazokiren laguntzarekin.