Bolada onean dabiltza Orioko futbol klubeko emakume eta gizon seniorren taldeak: izan ere, amaitu berri den asteburuan ere garaipena lortu dute bi taldeek.
Aitor Arregiren neskek Martutene Kirol Elkartearen aurka 2-1 irabazi dute partida, eta Joseba Agirreren mutilek, berriz, 1-4 Iruneko Mariñoren kontra, etxetik kanpo. Neskak igoera fasearen barruan ari dira jokatzen, eta sailkapen orokorrean lehenengo postuan daude. Mutilek, berriz, hirugarren postuan jarraitzen dute, Roteta CD eta Euskalduna SD taldeen atzetik.