Inauteriek herritarren irudimena piztu dute gaurkoan Orion. Goizean, desfilea egin dute Bikamiota eta Kosta Tailerraren paretik abiatuta, eta herritar ugari animatu dira mozorro festan parte hartzera. Ezkontzako tartaz batzuk, agurez edo castellersez besteak, giro ederra sortu da herriko kaleetan.
Eguerdian, herri bazkaria egingo dute pilotalekuan, eta, bazkalostean, musika nagusituko da herriko txarangaren eskutik; hain justu, kalejira egingo dute Herriko Plazara. 17:30ean, kantu, dantza, koreografia eta mozorro festa egingo dute, Herriko Plazan bertan, eta, gero, sariak banatuko dituzte. 19:00etan, Matraka elektrotxarangak alaituko du giroa, eta hala nahi duenak, goizaldera arte luzatuko du festa.