Aurrera darraite traineruen neguko entrenamenduek, eta hurrengo hitzordua Castro Urdialesen (Kantabria, Espainia) edukiko dute Orio Arraunketa Elkarteko arraunlariek. Emakumezkoek ez dute bertan lehiatuko, bai, ordea, gizonezkoen A eta B ontziek, bihar eguerdian.
Gizonezko absolutuetan, denera 21 traineru ibiliko dira erlojuaren kontra. Hamargarrena izango da uretaratzen Orio B, eta hemeretzigarrena, berriz, Orio A. Orioko Traineru Jaitsieran etxeko trainerua izan zen bizkorrena, eta bihar lan onari eusten saiatuko dira.