Gipuzkoako Foru Aldundiak zuhaitzak inausi eta moztuko ditu astelehenetik aurrera N-634 errepide bazterrean, Aginaga eta Txankako biribilgunearen artean. Lanek bost egun iraungo dute, eta errepideko galtzada erabat moztuko dute 09:00etatik 17:00etara.
Tarte horretan, soilik bertako bizilagunek eta garraio publikoak erabili ahal izango dute errepidea. Hori bai, Lurraldebusek jakinarazi du atzerapenak edo aldaketak egon daitezkeela UK09 Zumaia-Donostia linean.
Gainerako ibilgailuek, autobidea erabili beharko dute Donostia aldera joan ahal izateko.