Udalbatzak ohiko bilkura egingo du bihar, udaletxean, 19:30ean hasita. Bertan hurrengo gaiak landuko dituzte:
- Urtarrilaren 27ko 53/2025 alkate-dekretuaren berri ematea. Dekretuak 3/2025 zenbakidun kreditu-aldaketa onartzen du, kreditua txertatzeko modalitatean.
- Onartzea, egoki bada, Orioko Karela kiroldegirako zenbait kirol-material errentamendu-erregimenean hornitzeko eta instalatzeko kontratua (renting sistema: mantenu eta erosketa aukerarekin) arautuko duten baldintza administratibo partikularraren agiria eta preskripzio tekniko zehatzen agiria, gastua onartzea eta lizitazioa martxan jartzea.
- Behin betiko onarpena ematea, egoki bada, Txara eta Errezabal-Lertxundi bideak Orioko Bide Publikoen Udal Inbentarioan sartzeari.
- Lehen onarpena ematea, egoki bada, Orioko udalerriko babes akustiko bereziko eremuaren izendapenari: ekintza-plana.
- Eskariak eta galderak.