Atzo eguerdian jokatu zuten Urumea ibaian (Donostia) Gipuzkoako Batel Ligako bosgarren jardunaldia Gipuzkoako Arraun Federazioak eta Donostiarra-Kaiarriba elkarteak antolatuta, eta bertan izan ziren Orio Arraunketa Elkarteko hainbat ontzi. Gizonezko absolutuak, esaterako, aurreneko aldiz aritu ziren bateletan, eta beraiek izan ziren, gainera, bizkorrenak (09:44). Zarauztarrak helmugaratu ziren bigarren, 14 segundora, eta San Juan A ontzia, hirugarren, 18 segundora.
Orioko klubeko gizonezko eta emakumezko jubenilek ere parte hartu zuten (7. eta 10. postuak erdietsi zituzten, hurrenez hurren), baita gizonezko eta emakumezko kadeteek ere (8. eta 14. postuak egin zituzten).