Guerara Orio elkarteak amaitu du Tindufeko errefuxiatu kanpamenduetara bidaltzeko janari bilketa, eta beste behin, elkartasun handia jaso dute herritarrengandik. 128 kaxa txiki eta zortzi kaxa handitan sartu dituzte produktuak, 2.600 kilo guztira, Gukari azaldu diotenez.
Atzo eguerdian sartu zituzten kaxa guztiak kamioi batean, eta Irunera (Gipuzkoa) eraman zituzten. Urtero bezala, Piztu itxaropena lelopean abiatuko da euskal karabana saharar herrirantz.