Aurtengo Euskaraldia maiatzaren 15etik 25era egingo da, eta horren harira, Orioko lantaldea antolaketa bilerak egiten hasi da. Joxe Mari Unanue da Orioko eta Aiako koordinatzailea, eta hark gidatzen ditu bilerak.
Hurrengo hitzordua otsailaren 19an, asteazkenarekin, izango da, 17:00etan Kultur Etxean. Herritar guztiek parte har dezakete talde horietan, eta horixe eskatu nahi die Orioko lantaldeak herritarrei: beren apurra jartzea euskararen alde.