Ohorezko Mailako ligako hemezortzigarren eta hemeretzigarren jardunaldiak jokatu dituzte asteburuan Orioko Futbol Taldeko emakumezko eta gizonezko seniorrek. Etxean aritu da gizonezkoen taldea, eta 3-0 emaitzarekin garaipena lortu du Hondarribia Futbol Elkartearen aurka. Hirugarren dira oriotarrak sailkapenean, aurreko sailkatuari bi puntuko aldea aterata.
Emakumezkoek, berriz, 3-3 emaitza lortu dute asteburuan Urnietako Kirol Elkartearen zelaian, eta hirugarren dira sailkapenean, hurrengo sailkatuari puntu bateko aldea aterata.