Danbolin Musika eta Dantza Eskolako ikasleek dantza emanaldia eskainiko dute otsailaren 23an, igandearekin, Karela kiroldegian. Aurten, ordea, emanaldia bi txandatan banatzea erabaki dute: lehena 13:00etan hasiko da, eta bigarrena, aldiz, 17:00etan.
Lehen txandan 4 eta 6 urte bitarteko 77 ikaslek hartuko dute parte. Hauek euskara oinarri hartuta prestatu dituzte koreografiak. Bigarren txandan, berriz, 7 eta 13 urte bitarteko 119 dantzari igoko dira oholtza gainera, euskal dantzak eta bestelako koreografiak interpretatzera. Dantzariekin batera izango dira musika eskolako ikasle eta irakasleak, emanaldia girotzen. Gainera, Harribil dantza-taldeak ere parte hartuko du ekitaldian, gonbidatu gisa.