Asteburu garrantzitsua izango da honakoa Orio Arraunketa Elkarteko arraunlari batzuentzat, Espainiako Iraupen Txapelketak eta Selekzio Autonomikoen arteko Espainiako Txapelketak jokatuko dituztelako Galizian, Castrelo do Miñon.
Bihar goizean, Espainiako Iraupen Txapelketak jokatuko dituzte. Estatuko 56 elkartek parte hartuko dutela jakinarazi du OAEk, guztira 375 ontzik. Oriotarrak ere hantxe izango dira, hamasei ontzirekin. Ontzi motzen lehia izango da, bakarka eta binaka ariko dira. Oriotarrei dagokienez, zazpi ontzi kadeteenak izango dira, zortzi ontzi jubenilenak, eta beste bat absolutua.
Larunbat arratsaldean eta igande goizean, berriz, Selekzio Autonomikoen arteko Espainiako Txapelketak jokatuko dituzte. Ontzi luzeetan ariko dira, lau eta zortzi arraunlarikoak dira horiek, eta bederatzi komunitatek parte hartuko dute, guztira 105 ontzirekin. Tartean, Euskadiko Selekazioa lehiatuko da, eta bertan dozena bat arraunlari oriotar izango dira lehian.