Portugaleteko XIII. Traineru Jaitsieran lehiatu ziren asteburuan Orioko arraunlariak. Guztira 47 ontzik parte hartu zuten hainbat kategoritan. Oriori dagokionez, arraunketa elkarteko emakume seniorren trainerua lehiatu zen, baita Badok13 taldeko beteranoen trainerua ere. Senior emakumeek eta beteranoek 4.000 metroko distantzia burutu zuten.
Hori horrela, Orioko arraunlariek asteburu bikaina izan zuten. Badok13 taldeko traineruak lehenengo postua eskuratu zuten beteranoen mailan, 12:20,79 denborarekin. Emakumezkoen kategorian 12:43,45 denborarekin irabazi zuten Orio Arraunketa Elkartekoek, 4.000 metroko distantzia egin ostean.