Piztu itxaropena lelopean, Tindufeko errefuxiatuen kanpalekuetan bizi diren milaka herritarrei laguntza emateko euskal karabana martxan jarri dute aurtengoan ere, eta beste zenbait herritan bezala, Orion ere bat egin dute egitasmoarekin.
Atzo, larunbata, Herriko plazan izan ziren boluntarioak, 11:00etatik 13:00ak bitarte, egunerokoan beharrezkoak diren produktuak biltzen: arroza, dilistak, babarrunak, pasta, hegaluze-latak, sardinak, azukrea, medikamentuak eta hilerokorako konpresak. Oriotarrek beren ekarpena egin dute beste behin ere Saharako errefuxiatuak laguntzeko.