Orioko Udalbatzak ezohiko bilkura egingo du bihar, osteguna, 19:30ean hasita udaletxeko udalbatzar aretoan. Ohi bezala, udalbatzarra zuzenean atari honetan ikusteko aukera egongo da.
Udalak jakinarazi duenez, sei puntu izango dituzte hizpide gai ordenean. Honakoak:
- Onartzea, egoki bada, Lorratz Giza Elkartea enpresak aurkeztutako eskaria, Orioko esku-hartze psikosozial eta sozio-hezitzaileko kontratuaren prezioak berrikusteari buruz, hitzarmen kolektibo berriaren ondorioz.
- Behin betiko onarpena ematea, egoki bada, Orioko Udalaren kirol-instalazioak erabiltzeko erregelamenduari.
- Lehen onarpena ematea, egoki bada, udal-aurrekontu propioaren 1/2025 zenbakidun kreditua aldatzeko espedienteari, konpromiso-kredituen modalitatean.
- Lehen onarpena ematea, egoki bada, udal-aurrekontu propioaren 2/2025 zenbakidun kreditua aldatzeko espedienteari, kreditua transferitzeko modalitatean.
- Adjudikatzea, egoki bada, Orioko Hiri Antolamenduko Plan Orokorraren barruko "Zabalgunea" izeneko 3. eremuko "3.1. Frontoia" jarduketa-unitateko 1.1. partzelaren partaidetza zatiezin bat (%20,32) lehiaketa publiko bidez besterentzea.
- Eskariak eta galderak.