Ibon Gaztañazpi kazetariak Orioko Udalaren enkarguz zuzendutako Errio dokumentala Indiako Noida Film Festival jaialdian lehiatuko da asteburu honetan, dokumental saileko sekzio ofizialean, mundu osoko beste 36 ikus-entzunezkorekin batera.
Jaialdia igande honetan ospatuko dute, otsailaren 2an, eta Orioko lanarekin lehian izango dira, besteak beste, Kanadako, Frantziako, Luxenburgoko, Belgikako, Ingalaterrako, Txileko, Argentinako eta Espainiako dokumentalak.
Ingelesezko azpidatziekin erakutsiko dute Orioko itsas ondareari balioa ematen dion ikus-entzunezkoa –gaztelaniazko eta frantsesezko azpidatziak ere eginak dizkiote dokumentalari–.