Eusko Jaurlaritzako Hezkuntza Sailak 140.000 euroko isunarekin zigortu du Zarauzko Salbatore Mitxelena ikastola, 2023-24 ikasturtean, ikastetxean matrikulatu zitekeen gehienezko haur kopurua gainditu eta har zitzaketena baino haur gehiago onartzeagatik. Hezkuntza Sailak izandako jarrera "onartezina" dela iritzi dio ikastolak, eta egoera salatzeko agerraldia egin zuten asteartean.
Gertakizun hauen harira, eskualdeko ikastolek bat egin dute Zarauzkoarekin. Orioko Herri Ikastolak bere babesa erakutsi nahi izan die zarauztarrei, eta gaur arratsaldean bildu dira ikastetxearen kanpoan, klaseak amaitu ostean.