Orioko Atletismo Taldeko kideek lan ederra egin zuten atzo Ordizian (Gipuzkoa) Oiangu parkean jokatu zen Txindokiko Krosean. Euskadiko Kros Txapelketa ere bazen, eta taldeka bigarren egin zuten kadete neskek Euskadiko lehiaketa horretan.
Xabat Elortza ere bikain aritu zen 23 urtez azpikoen mailan, horrek ere podiuma eskuratu baitzuen Euskadiko Txapelketan, lehen postua, gainera. Sailkapen orokorrean bederatzigarren izan zen Elortza.
Azkenik, Ibai Makazagaren lasterketa ere aipatzekoa da, maila absolutuan bosgarren postua eskuratu baitzuen, 32:11 denbora eginda.
Orioko Atletismo Taldea "oso gustura" dago taldekideek lortutako emaitzekin.
Argazki gehiago goierri.hitza.eus atarian daude ikusgai.
