Atzo, larunbata, 13:00etan hasi ziren aulki mugikorreko Gipuzkoako ligako bigarren jardunaldiko estropadak –ez zen puntuagarria– Irunen (Gipuzkoa), Bidasoa ibaian, eta Orio Arraunketa Elkarteko hamazazpi ontzik parte hartu zuten bertan.
Emaitza bikainekin etxeratu ziren oriotarrak, bederatzi ontzik lehen postua eskuratu baitzuten. Beste bost ontzi bigarren izan ziren, eta ontzi banak egin zuten hirugarren, laugarren eta seigarren.