Orioko Udalbatzak ohiko bilkura egingo du gaur 19:30ean hasita udaletxeko udalbatzar aretoan. Ohi bezala, udalbatzarra zuzenean atari honetan ikusteko aukera egongo da.
Udalak jakinarazi duenez, bost puntu izango dituzte hizpide gai ordenean. Honakoak:
- Berrestea, egoki bada, 2024ko azaroaren 28ko 950 zenbakidun alkate-dekretua. Alkate-dekretu horren bidez 2025eko egutegi fiskala onartzen da.
- Onartzea, egoki bada, udal-aurrekontu propioaren 9/2024 zenbakidun kreditua aldatzeko espedientea, kreditua transferitzeko modalitatean.
- Onartzea, egoki bada, udal-aurrekontu propioaren 10/2024 zenbakidun kreditua aldatzeko espedientea, kreditu gehigarrien modalitatean.
- Behin-behineko onarpena ematea, egoki bada, Orioko Hiri Antolamenduko Plan Orokorrari (HAPO).
- Eskariak eta galderak.