River Box &Roll boxeo klubeko Mikel Bou Arruabarrena gaztea Leioako III. Boxeo Jaialdian izan da asteburuan, hango klubak gonbidatuta. Gazte oriotarra esperientzia hartzen ari da, eta gustura da haren lanarekin Ibai Marin entrenatzailea: "Borrokaldi paregabea egin arren, sorbalda bi aldiz atera zuen. Berak sartu zuen bitan bakar-bakarrik. Konbatea bukatu zuen inongo zalantzarik gabe bere adorea erakutsiz. Arerioari ederki egin zion aurre! Boxealari bikaina da gure Mikel".
Arruabarrenak Bizkaiko Openean debutatu du aurten bertan, urrian, eta finaleraino iritsi zen gazteen mailan, 71 kiloz azpiko kategorian. Txapeldunorde gelditu zen, azkenean.
