Kintopeko Idien Gipuzkoako Txapelketan hainbat idi proba egin dituzte azken hilabeteetan herriz herri, eta finala etzi, astelehen gauean, jokatuko dute, Aizarnazabalen. Hitzordua 21:00etan hasiko da proba plazan, eta urteko hiru parerik onenak ibiliko dira harriari tiraka.
Hiru idi pareak eskualdekoenak dira: Oliden oriotarrarenak, Belamendi errezildarrarenak eta Olalde urrestildarrarenak.