Aste hasieran jakinarazi zuen Lera euskal mitologia elkarteak Gabonetako ospakizunak prestatzen hasiko direla. Horren harira, dei egin die herritarrei prestakizunekin laguntzeko, izan ere, aurtengo ospakizuna "desberdina" izango dela azaldu dute, eta "jende asko" beharko dute zenbait zereginetarako.
Besteak beste, antortxak eramango dituzten 12 heldu, gurdiari tirako dioten 16 lagun eta baserritar jantzian kriseiluak eskuan desfilatuko duten familia, kuadrilla eta herritarrak behar dituzte.
Antolaketan parte hartzeko, gaur arratsaldean gerturatu daitezke herritarrak, 17:30ean, elkartearen lokalera (eguneko zentroaren ondoan).