Joan zen astean Erregeen desfilea antolatzeko bigarren bilera deitu zuen Orioko Udalak, eta haurren danborrada antolatzeko talde eragilea sortu zuten orduan. Bihar, asteazkena, elkartuko dira berriro, desfileari forma ematen hasteko.
Bilera irekia izango da, eta ekitaldiaren antolaketan parte hartu nahi duten herritarrek bertaratzeko aukera izango dute. 19:00etan jarri dute hitzordua, kultur etxeko bilera gelan.