Daniel Scott argentinar euskaldun berria da. Buenos Airesen jaio zen, eta gaur egun Orion bizi da. Zientzia Politikoan lizentziaduna eta Teologian diplomatua da, baita idazlea eta raperoa ere.
Herriaren bihotza bere hamabigarren liburua du, eta bertan bertsoak, olerkiak, koplak eta rapak jaso ditu, euskaraz nahiz gazteleraz.
"Herriaren bihotza azken aldi honetan idatzi ditudan bertso, poesia, kopla eta rapen bilduma berria da. Ekintza hau elkarrenganakoa dela jakinda, nire nahia idazki bakoitza zubi bat bezalako izatea da, nire bihotzetik herrira barruan daukadana partekatzeko. Ekapen apala baina sentitua, bizitzako hainbat gai garrantzitsuri buruz", dio Scottek bere argitalpena deskribatzerakoan.
