Iaz, Orio Eragin eskubaloi klubak Mugarik Ez saioak antolatu zituen emakumeak eskubaloira gerturatzeko asmoz. Horren harira, ikasturtean zehar lehiarik gabe eskubaloian jolasteko Betegazte ekimena sortu zuten, eta martxan da berriro ere aurten. Entrenamenduak astearteetan izango dira, 18:30etatik 20:00etara bitartean. Eskubaloiko jokalari ohiei, zaletuei eta taldean kirola egin nahi duten emakumeei zuzenduta daude ikastaroak. Antolatzaileek jakinarazi dute, interesa duen oro Karela kiroldegira gerturatu daitekeela datorren asteartean, informazio gehiago eskuratzera.