Asteburuan jokatu da Katalunian eskaladako Espainiako Kopako hirugarren eta azken proba, zailtasun modalitatean. Euskal Selekzioarekin izan da bertan Lur Guenetxea oriotar gaztea. 12 urte ditu, eta aurreneko aldiz parte hartu du txapelketa horretan.
Finalerako sailkapenean seigarren egin zuen Guenetxeak, baina finalean lehia bikaina egin eta gero, bigarren postuan geratu zen. Hala, Espainiako Kopako sailkapen orokorrean hirugarren izan da. Gukari azaldu dioenez, oso gustura dago lortutako emaitzarekin, ez baitzuen uste gorengo mailan horrela ibiltzerik.
