Jorge Oteizaren 116. urteurrenaren harira, zenbait jarduera antolatu ditu udalak eskultorearen ondarea ospatzeko. Larunbatean Ismael Manterola arte kritikariak gidatutako Oteiza Orion hitzaldi ibiltaria egin zuten. Hainbat herritarrek hartu zuten parte, eta ondorioz bi txandatan banatu zuten hitzaldia.
Gaurkoan, Zaragueta Herri Eskolak eta Orioko Herri Ikastolak erakusketa egin dute Pietatearen alboan. Bertan ikasleek egindako marrazkiak eta collage-ak erakutsi dituzte, Oteizaren estiloan oinarrituta. Mostra ikusgai egongo da egun osoan zehar.