Atzo arratsaldean berriro elkartu ziren herritarrak Herriko Plazan indarkeria matxistaren aurrean aski dela esateko. Mugimendu Feministaren deiari erantzunez egin zuten protesta. Izan ere, asteazken goizaldean 20 urteko emakume bat hil zuten Iruñeko Arrotxapea auzoko etxabe batean. Poliziaren arabera, emakumeak eztabaida izan zuen erasotzailearekin, eta horren ostean hainbat labankada eman zizkion bularraldean. Ospitalean hil zen.
Emakumeen Mundu Martxak salatu du indarkeria matxistak aurten Euskal Herrian hil duen bosgarren emakumea dela Iruñekoa.