Asteburuan jokatu da Inmobiliaria Urme Txingudi Korrika 10K txapelketa Irun eta Hondarribia (Gipuzkoa) artean, eta emakumezkoetan Libana Taboada Orioko bizilaguna izan da hirugarren, 41:23 denbora eginda. Bera izan da Gipuzkoako txapelduna.
Bizkorrena Maitane Melero nazioarteko lasterkaria izan da, 36:53 denbora eginda, eta Ane Elzaurdiak egin du bigarren, 38:17 denborarekin.
Gizonezkoetan, garaipena Ander Aramendirentzat izan da 32:57 denborarekin, eta haren anaia Mikel helmugaratu da bigarren 33:03 denbora eginda. Jose Antonio Gomez de Arribak itxi du podiuma, 33:10 denborarekin. Gipuzkoako txapelketan ere hiru horiek osatu dute podiuma.