Orioko Kultura sailak antolatuta, liburua nola aukeratu ikasteko tailerra eskainiko dute urriaren 16an eta 23an, asteazkenak, 17:30etik 19:30era bitartean. Saioak Kultur Etxean egingo dituzte, eta Dorleta Kortazar ipuin kontalariak zuzenduko ditu.
Izena eman nahi duen orok, liburutegira jo dezake (Eusko Gudarien Kalea, 26), 10:00etatik 13:00etara eta 16:00etatik 19:30era bitartean. Gutxienez zortzi laguneko taldea osatu beharko da.