Etxean irabaziz hasi du 2024-2025 denboraldia Gorengo Mailan dagoen Orioko Futbol Taldeko gizonezkoen lehen taldeak. Lezoko Allerru taldea izan zuen aurkari Mendibeltz futbol zelaian larunbat arratsaldean, eta oriotarrak 2-0 gailendu ziren. Hala, bigarren dira une honetan, Ostadar taldearen atzetik.
Hurrengo partida Usurbilen izango dute Joseba Agirreren mutilek, igandean 12:00etan.
Bestalde, Gorengo Mailan dabilen emakumezkoen lehen taldeak ere igandean izango du partida. Ligako aurreneko norgehiagoka Arrasaten jokatuko dute oriotarrek, 11:00etan.