Gaurtik irailaren 13ra Zarautzen dagoen EPA-HHI Helduen Hezkuntza Iraunkorrean izena emateko aukera dute kostako herritarrek. Izena egoitzan bertan eman daiteke (Pagoeta kalea, 2) 10:00etatik 13:00etara, edo telefonoz, 943-13 00 13 zenbakira deituta.
Eskaintzari dagokionez, honako ikastaroak eskainiko dituzte: alfabetatzeko, DBHko titulua eskuratzeko, eta hizkuntzak– gaztelania, euskara eta ingelesa– ikasteko eskolak, eta aurten, informatikako ikastaroa ere eskainiko dute Zarauzko egoitzan.