Kontxa estropadak arraun denboraldiko hitzordu garrantzitsuenak izan ohi dira, dela lehen igandekoa dela bigarrenekoa. Lehiara sailkatzen ziren zortzina traineruek, gizonezkoetan eta emakumezkoetan, duten guztia ematen du Donostiako badiako joan-etorrian. Arraunlariek itsasotik egin dute berebiziko ahalegin fisikoa, pott egitera arte, baina beti izaten dute hirugarren hauspo bat lagun: zaleak.
Oriok eta Getariak beste behin erakutsi dute zale onenetarikoak direla. Onean ala txarrean, beraien neska-mutilekin bat daudela, herria elkarrekin dutela. Gaurkoa izugarria izan da: kaia nahiz arranpa kolore marroiz eta horriz jantzi da, eta animoak, kantuak nahiz bultzadak hasieratik entzun dira. Orioko bi traineruek zorte ona izan dute; Getariak ez horrenbeste. Baina guztiaren gainetik, egindako lana eskertzen da. Herri txikiek bihotza handi dutelako, eta itsasoan gauzak erraldoiak lor ditzaketelako, komunitate oso baten babesarekin.
(Argazkiak: Arnaitz Rubio Aprea)
